✍️ : مرزا اسـداللہ خاں غـالب۔
📕 : دیوانِ غـالب
📝 : صفحـہ نمبـر.. ٢٢٧
کبھی نیکی بھی اس کے جی میں گر آ جائے ہے مُجھ سے
جَفـائیں کر کے اپنی یاد شَـرما جائے ہے مُجھ سے
خُــدایا جَــذبۂ دِل کی مگـر تاثیر اُلٹی ہے
کہ جِتنا کِھینچتا ہُـوں اور کِھنچتا جائے ہے مُجھ سے
وہ بَــد خُـو اور میــری داستان عِشـق طولانی
عبارت مُختصَـر قاصِد بھی گھبـرا جائے ہے مُجھ سے
اُدھـر وہ بدگمانی ہے اِدھــر یہ ناتوانی ہے
نہ پُـوچھا جائے ہے اس سے نہ بـولا جائے ہے مُجھ سے
سنبھلنے دے مُجھـے اے نا اُمیـدی کیا قیامت ہے
کہ دامان خیـال یار چُھـوٹا جائے ہے مُجھ سے
تکلف برِ طـرف نِظارگی میں بھی سـہی لیکن
وہ دیکھا جائـے کب یہ ظُلم دیکھا جائے ہے مُجھ سے
ہُـوئے ہیں پاؤں ہی پہلے نبـرد عِشـق میں زخمی
نہ بھاگا جائے ہـے مُجھ سے نہ ٹھہــرا جائے ہے مُجھ سے
قیامت ہے کہ ہووے مُــدعی کا ہم سفـر غــالب
وہ کافر جو خُـدا کو بھی نہ سونپا جائے ہے مُجھ سے
