قطرہ قطرہ قلزم
زندگی اپنے ہی پردے میں چھپی ہوتی ہے ۔۔۔۔اور اپنے ہی دروازے پر خود ہی دستک دیتی ہے ۔۔۔۔۔ اور خود ہی اندر سے جواب دیتی ہے ۔۔۔۔ یہاں کوئی نہیں ۔۔۔۔ اور اگر کسی نظر کا فیض ہو جائے تو خود ہی خود کو آواز دیتی ہے ۔۔۔۔ اندر آ جاؤ ۔۔۔۔ ہم تمہارا انتظار کر رہے ہیں ۔۔۔۔ بس زندگی اپنے رو برو ہونے کا نام ہے ۔۔۔۔ اپنے قریب ہونے کا نام ۔۔۔۔۔ اپنے سے قریب ہونے کا نام ۔۔۔۔۔ اپنے سے آشنا ہونے کا نام ۔۔۔۔۔۔ اپنا ہی نام ۔۔۔۔ میں ہی زندگی ہوں ۔۔۔۔ لیکن اس شرط کے ساتھ کہ میں تسلیم کروں ۔۔۔۔ کہ تُو بھی زندگی ہے اور وہ بھی زندگی ہی ہے ۔۔۔۔ سب کا احترام ہی اپنا احترام ہے ۔۔۔۔۔۔ سب کی زندگی ہی اپنی زندگی ہے !!!
حضرت واصف علی واصف رح !
