(اختر شمار)
اُس کے نزدیک غمِ ترکِ وفا کچھ بھی نہیں
مطمئن ایسا ھے وہ جیسے کہ ھوا کچھ بھی نہیں
اب تو ھاتھوں سے لکیریں بھی مٹی جاتی ھیں
اُس کو کھو کر تو میرے پاس رھا کچھ بھی نہیں
کل بچھڑنا ھے تو پھر عہدِ وفا سوچ کے باندھ
ابھی آغازِ محبت ھے گیا کچھ بھی نہیں
میں تو اس واسطے چپ ھوں کہ تماشہ نہ بنے
تو سمجھتا ھے مجھے تجھ سے گلہ کچھ بھی نہیں
اے شمار آنکھیں اسی طرح بچھائے رکھنا
جانے کس وقت وہ آ جائے پتہ کچھ بھی نہیں
🖤
